خبر های مهم روز
نمایشگاه عکس خیابانی (مرگ خاموش) - سه شنبه, 12 سرطان 1397 10:17
گفتگو با آقای فیاض عالم دین - یکشنبه, 09 ثور 1397 18:17

سایت ها دیگر

رئیس جمهورتاجیکستان:تشکیل حکومت وحدت ملی نه تنها برای مردم افغانستان، بلکه برای منطقه اهمیت دارد!

شنبه, 22 سنبله 1393 ساعت 17:15 نوشته شده توسط 
این مورد را ارزیابی کنید
(1 رای)

یادگارافغان/کابل، امام علی رحمان، رئیس جمهوری تاجیکستان روز گذشته در دیدار با حامد کرزی، رئیس جمهور کشور تاکید کرده است که از تشکیل حکومت وحدت ملی در افغانستان حمایت می کند. به نقل از انترفکس، رئیس جمهور تاجیکستان در حاشیه نشست رهبران سازمان همکاری شانگهای در شهر دوشنبه در دیدار با رئیس جمهور کرزی گفت: تشکیل حکومت وحدت ملی نه تنها برای مردم افغانستان، بلکه برای منطقه نیز نقش مهمی را بازی کرده می تواند.
در این دیدار از دوام همکاری ها میان دو کشور، اطمینان داده شد.
لازم به ذکر است که کشور تاجیکستان با افغانستان 1344 کیلومتر مرز مشترک دارد.
تاجیکستان کوچک ترین و فقیر ترین همسایه افغانستان به شمار می رود اما پیوندهای فرهنگی، زبانی و تاریخی نزدیک روابط میان دو کشور را همیشه محکم نگهداشته است.
در سطح سیاسی نیز روسای جمهوری دو کشور روابط میان کشورهایشان را "بهترین نمونه از روابط سیاسی در منطقه" توصیف کرده اند.
در کنار فرهنگ و زبان مشترک، در یک دهه اخیر انرژی، ترانزیت و تجارت نیز به عناصر مهم رابطه میان تاجیکستان و افغانستان بدل شده است.

خواندن 365 دفعه